Аяны хүрээнд Их Засаг их сургуулийн Чингэс-Соосэ салбар сургууль болон мэргэжил сургалт үйлдвэрлэлийн 600 гаруй оюутнууд, дүүрэг дэх төрийн өмчийн ерөнхий боловсролын 27 сургуулийн 4600 гаруй ахлах ангийн сурагчдад “ Монголд гарсан улс төрийн хэлмэгдүүлэлт дүгнэлт, сургамж” сургалтыг дүүргийн Боловсролын хэлтсийн дэмжлэг, сургуулиудын түүх нийгмийн ухааны багшийн оролцоотойгоор зохион байгууллаа.

Дээрх сургуулиудаас 9, 62, 67, 76, 104, 105, 106, 121, 122, 123, 143, 151, 153, “Ирээдүй” цогцолбор, “Өнөр” цогцолбор сургуулиуд сургалтыг үр дүнтэй, амжилттай сайн зохион байгуулжээ. Сургуулиудад зохиогдсон онцлог ажлыг дурдахад 123, 153 дугаар сургуулиуд “Хэлмэгдүүлэлт Монголын нийгмийн амьдралд” мэтгэлцээн хэлэлцүүлэг, 76 дугаар сургууль “Хэлмэгдэгсдэд зориулж шүлэглэх нь” шүлгийн уралдаан, эссэ бичлэгийн уралдаан, сэдэвчилсэн гар зургийн уралдааныг, 104, 122 дугаар сургуулиуд АХА тэмцээн, 105 дугаар сургууль улс төрийн хилс хэрэгт хэлмэгдэгсдийн дурсгалыг хүндэтгэх буланг гаргаж тохижуулсан. 62, 106, 143, 153, Ирээдүй цогцолбор сургуулиуд их хэлмэгдүүлэлтийн түүх сургамжийг өгүүлсэн танин мэдэхүйн самбар, ханын сонин, гарын авлага зэргийг бэлтгэн гаргаж хэлмэгдүүлэлтийн хор уршиг, сургамж, түүхийг залуу хойч үедээ таниулах ажлуудыг хийжээ.

Энэхүү аян нь хэлмэгдэгсдийн дурсгалыг мөнхжүүлэх, хэлмэгдүүлэлтийн түүхэн сургамжийг санаж, дахин давтахгүй байх, хүний эрхийг баталгаажуулах, улс төрийн хэлмэгдүүлэлтээс сэргийлэх үзлийг залуу хойч үед ойлгуулах ач холбогдолтой арга хэмжээ боллоо.

Аянд идэвхтэй оролцож, зохион байгуулсан сургуулийн удирдлагууд, түүх нийгмийн ухааны багш нартаа талархал илэрхийлье.